يلا شوت جولد | طارق يحيى: ما فعله فيريرا مع أسامة نبيه عيب.. مفيش حد خط أحمر

وجه طارق يحيى نجم الزمالك السابق، انتقادات عنيفة للمدرب البرتغالي جوسفالدو فيريرا، المدير الفني للفريق الأول لكرة القدم بالقلعة البيضاء، عقب السقوط في فخ الهزيمة أمام نادي أسوان بهدفين مقابل هدف، مشيراً إلى أن من حق مرتضى منصور رئيس النادي التدخل لتعديل وضع الفريق.

طارق يحيى: مينفعش فيريرا يقول لـ أسامة نبيه اقعد.. ومين يجيب حق الجماهير

وقال طارق يحيى في تصريحات عبر قناة نادي الزمالك: «اللي حصل مينفعش، مين يجيب حق سفر الجماهير، هي الرسالة موصلتش لكم كلاعبين، بهدلة الجماهير كان لازم تكون دافع لكم إنكم تاكلوا النجيلة».

وتابع: «لما اتكلم في الكرة كله يسكت، واللي حصل مع أسامة نبيه من فيريرا عيب، مينفعش أسامة يقف يوجه في لقطة، أنت كمدير فني تقوله اقعد».

طارق يحيى يكشف: اللاعبين اعترضوا على فيريرا.. والزمالك أهم من أي حد

وواصل: «اللاعبين اعترضوا واتكلموا معاك في المحاضرة وإنت مسمعتش، الدنيا كانت ماشية إيه اللي حصل، ومفيش حد يقولي ده بيجيب بطولات، لأ جروس كان بيجيب بطولات ومشي، والبطولات في الزمالك عادي».

وأتم نجم الزمالك السابق حديثه قائلاً: «مفيش خط أحمر بعد الخسارة أمام أسوان، ومن حق مرتضى منصور التدخل في هذه الأمور، مفيش طبطبة والزمالك أهم من أي حد».