يلا شوت جولد | أمير مرتضى: فتوح وعبدالله جمعة رفضا اللعب للزمالك أمام الداخلية بسبب كشف المنشطات

كشف أمير مرتضى منصور المشرف العام على الكرة بنادي الزمالك تفاصيل غياب فتوح وعبدالله جمعة عن مباراة الزمالك والداخلية بسبب كشف المنشطات حسبما ذكر مرتضى منصور رئيس النادي.

وقال أمير مرتضى في تصريحات خاصة للوطن سبورت عقب نهاية مباراة الداخلية بالتعادل الإيجابي 1-1 : « إداري الفريق دخل غرفة الملابس قال للاعبين هناك تحليل منشطات فتوح وعبدالله جمعة قالوا مش هنلعب الماتش».

وأكمل : «اللي غلط النهاردة هيتعاقب من فتوح وعبد الله مينفعش بأي حال من الأحوال لاعب يدخل لفيريرا يقوله خرجنا برة الأسكور عشان كدة هيتعمل لهم تحليل وهيتم معاقبتهما».

وأردف : «المستوى ليس مستوى الفريق في الطبيعي خلال الفترة الأخيرة اه ممكن كسبنا كام ماتش بس برضو مش مستوانا وفي حالة من عدم التركيز مؤخرا».

وتطرق للحديث عن التحكيم قائلًا : «التحكيم ده قصة تانية وفي اخطاء كتير منها سامسون النهاردة له ضربة جزاء في الشوط الأول».